Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XXXV.
Lac derelictum et canes lambunt. Amasius suarum rerum negligens. Tepente plena lacte cum mulctralia Domum ante quamdam posita reperissent Canes, Coepere summa celeritate lambere. Quos senior illa transiens pastor via Haurire tutos dum videt, in absentem herum, En queis, ajebat excandescens, ubera Tui Palaemon stulte pressisti gregis, Mentemque ut eripit amor! Haud temere haec senex: Nam cujus igne saucium praenoverat, Ad tecta pulchrae festinantem Thespilis Perrexe juvenem viderat: ab amoribus Redux puellae lactis hic inani sinu Prorsum reperto, semet imprudentiae Damnavit tacitus, inque amicae gratiam E lacte lucrum, quod redisset, haud tulit. Hunc cautiorem mox futurum credidit Post damna senior; at Palaemon perdite Puellam amando rebus indormit suis. Indiligentes damno mulctantur viri.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.