Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
II.
Rana elato pede dixit: mihi quoque ferreas soleas inducito. Rana, et Veterinarius. Rupto jacentis corpore infortunium Ranae, aemulari stulta dum tentat bovem, Sciri a puellis vel quadrimis arbitror. Pretium sit operae nosse, quis fuerit meae Nil sanioris exitus. Soleas equi Quidam pedibus ut ferreas inducere Coepit, palustri rana prosiliens lacu Terram petivit; utque vidit, quam bene Equo illud operae praestitisset artifex, Raucis ab illo flagitabat vocibus, Ut calcearet se quoque, et imitans equum Fabro offerebat jam pedem, pulchre et sibi Id convenire, quadrupes cum sit, rata. Huic tantum ut ille vidit arrogantiae Inesse, ut humilis se paludis incolam Fero sit ausa comparare principi, Calce ictam aquosas in paludes propulit. Mediocritatis quisquis oblitus suae Audet potentes aemulari, desipit.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.