191. [190.] De Aegle per aetatem deformata
Multas post hyemes longinquo ex orbe revertens
Aeglem ut conspexit Lolius, attonito
Olim quam similis miroque ardebat amore,
Atque suam suerat saepe vocare deam,
Tabentesque genas vidit, rarumque capillum,
Incurvum senio corpus et indecori;
Haesit, vimque aevi contemplans, atque furores
Mente suos versans in memori, erubuit,
Avertitque alio vultus, primamque salutem
Vix potuit moesto dicere cum gemitu.