1341. [1333.] In ingratum et crudelem.
Stat fugere hinc, stat lustra hirtis horrentia dumi
Quaerere, me rupes abdere et in medias.
Certe illic odiis nemo benefacta rependet,
Durus et in nostrum saeviet usque caput;
Officiis et victa meis mansuescere si qua
Bellua mutato coeperit ingenio,
Non erit, ut fallatque fidem, notumque repente
Linquat, vel saevo dente cruenta petat
Tam facile, quam me liquisti, perfide Cinna,
Et laceras laesa saevus amicitia.