238. [237.] Ad Aulum senem, Pollae adolescentulae amicitiam expetentem.
Non illi ut placeas, Pollam colis, Aule; colendi
Una, reor, causa est, quod placet illa tibi.
Hoc satis est, credo, si, dum tu deperis illam,
Illa modo aequanima te bona mente ferat.
Floridulam effoetus sequitur quicumque puellam,
Votorum haec misero est ultima meta senis.
Extremae se prima aetas ut jungat amice,
Quidlibet expertus non tamen efficiet.